Coral polifónica Xan Mella

Bo Nadal e mellor 2012

2011-12-22T15:56:00.001+01:00

Que o ano 2012 veña cargado de todo o bo para vos

e que pasedes unhas moi boas festas de Nadal.

Como agasallo podedes escoitar

os temas do noso primeiro disco pinchando aquí

http://musicagalega.wordpress.com/2010/11/22/coral-polifonica-xan-mella-baio-2006/

Cronica do VIII Memorial Pepe Valiña

2011-12-20T20:05:00.002+01:00

Moito frío no exterior pero ambiente moi cálido no interior dunha igrexa nova de Baio ateigada de xente con moitas ganas de gozar de catro corais que o deron todo de sí.

Principiou a velada a Coral O Son dos Cantares de Mos (Pontevedra) dirixida por Beatriz Gómez Fandiño da que foi moi aplaudida a cantiga "Perla Antillana" do mestre Rey Rivero. De seguido a Coral Eo Musical de Vegadeo (Asturias), baixo a batuta de Begoña Calleja, agradou moito á xente sobre todo cos temas "Lágrimas negras" e a asturiana "Soy vaqueiro"; unha mágoa que faltaran voces porque sabemos que aínda poden soar mellor.En terceiro lugar, coa dirección de Jose Ramón Portela Otero, a Coral de Beluso-Bueu fixo que o público aplaudira con moitas ganas o tema "Iluxit Novis Hodie" e, sobre todo, unha "Suite comercial navideña" que sacou o mellor dos sorrisos do público cunha escenificación moi persoal ao tempo dunhas voces moi afinadas.

Os anfitrións pechamos o memorial recuperando a habanera "Paloma mensajera" e gostaron moito as nosas interpetacións de "María la portuguesa" e de "Hasta mi final" coa directora Tatiana Pankrátova ao piano e Dasha Pankrátova ao violín.

Como non podía ser doutro xeito o concerto rematou co público batendo palmas ao compás de "Katiusha", algo xa tradicional no Concerto de Nadal e este ano aínda máis ao estar presente Ekaterina Tevrizova, a nai da nosa directora.

Agasallos para as corais participantes entregados polos concelleiros de Asuntos Sociais e Educación e despois unha pantagruélica cea onde non faltaron as cantigas de sobremesa.

Moitas grazas aos nosos amigos de Mos, Beluso e Vegadeo e BOAS FESTAS PARA TODOS!

Tríptico do VIII Memorial Pepe Valiña

2011-12-16T08:23:00.001+01:00

Concerto de Nadal VIII Memorial Pepe Valiña

2011-12-13T11:25:00.003+01:00

Despois do éxito acadado o pasado sábado en Malpica cun Centro cívico ateigado (a pesares do enésimo partido do siglo) e que aplaudiu con ganas ás tres corais participantes, xa temos todo preparado para o tradicional Concerto de Nadal co que pechamos o ano.

O encontro polifónico será o vindeiro sábado 17 de decembro ás 21:00 horas na Igrexa nova de Baio e ademáis da anfitrioa Coral Xan Mella participarán a Coral O Son dos Cantares de Mos (Pontevedra), Coral Eo Musical de Vegadeo (Asturias) e a Coral de Beluso-Bueu (Pontevedra).

Concerto en Malpica

2011-12-05T20:03:00.001+01:00

O vindeiro sábado 10 de decembro a nosa Coral Xan Mella participará nun encontro polifónico en Malpica de Bergantiños convidados pola coral local e onde tamén participará a Coral Endesa de As Pontes de García Rodríguez.

O encontro de corais será ás 20:00 horas no Centro Sociocultural de Malpica e baixo a mestría de Tatiana Pankrátova interpretaremos un variado repertorio onde incluiremos habaneras, canción galega, pop e folclore internacional.
E o sábado 17 en Baio pecharemos o ano co tradicional Concerto de Nadal Memorial Pepe Valiña onde teremos como polifónicas convidadas á Coral O Son dos Cantares de Mos (Pontevedra), Coral Eo Musical de Vegadeo (Asturias) e á Coral Polifónica de Beluso de Bueu (Pontevedra)

Do concerto en Sada

2011-11-21T19:36:00.001+01:00

O pasado sábado celebramos Santa Cecilia actuando en Sada xunto á Rondalla Tuna Hogar musical de A Coruña, a Coral Acordes de Bueu (Pontevedra) e a anfitrioa Coral San Martín de Meirás. Foi un concerto entretido e variado no que estivo moi presente a música sudamericana.

Nós fomos moi aplaudidos e felicitados tanto polo numeroso público asistente como polos compoñentes das outras corais que destacaron a nosa versatilidade e bo facer ao presentar un programa en catro idiomas (galego, castelán, inglés e ruso).

Rematou a velada cos protocolarios pinchos post-concerto nun ambiente de amizade entre coralistas e acompañantes.

Moitas grazas aos nosos amigos da Coral San Martín de Meirás aos que esperamos escoitar para o vindeiro ano por estas terras labartianas.

Concerto en Sada

2011-11-16T11:42:00.001+01:00

Convidada pola Coral polifónica San Martín de Meirás de Sada a nosa Coral Xan Mella participará o vindeiro sábado 19 de novembro na XIV Xuntanza de Corais que se celebrará no Auditorio Pintor Llorens de Sada ás 19:30 horas.

Compartiremos programa coa Rondalla Tuna-Hogar musical de A Coruña, a Coral polifónica Acordes de Bueu (Pontevedra) e máis a coral anfitrioa e para esta actuación presentaremos un programa en catro idiomas: galego, inglés, castelán e ruso interpretando "Ruada de Chamosa", California dreamin", "María la portuguesa" e "Katiusha".

Do Concerto en Vimianzo

2011-11-01T12:38:00.001+01:00

O pasado domingocelebrouse en Vimianzo o I Encontro de Corais daTerra de Soneira que ateigou a Casa daCultura de centos de persoas que aplaudiron con moitas ganas ás tres coraisparticipantes: O Coro de Mulleres deCamariñas,a Coral Xan Mella de Baio e a anfitriona Coral Lusco e Fusco.

Sabíamos que o novogoberno municipal vimiancés apostou fortemente pola cultura desde un principioe hai que agradecerlle que tamén se lembrase da música coral organizando unfestival que resultou moi entretido e no que se poido escoitar dende polifonía litúrxicaata música pop e canción sudamericana.

A destacar que as trescorais participantes incluimos nos nosos programas habaneras engalego compostas por autores locais: a deCamariñas a "Habaneira evalse de Camariñas" de BlancoCampaña, a de Vimianzo "Avella chalana" de MéndezTorrado e a nosa Coral Xan Mella a "Habanerade Baio" con música de Perfecto Varela e letra do noso presidenteAntonio Díaz Amor.

Un éxito de festival queesperamos teña continuidade en vindeiros anos.

Parabéns aoConcello de Vimianzo e á coral localLusco e Fusco.

Do concerto en As Pontes

2011-10-23T20:29:00.010+02:00

"Quentando voces"antes do concerto

Concerto no Teatro Aloví

Pantagruélico post-concerto

A Coral Xan Mella segue coa xira de outono. O sábado pasado participamos no Concerto de outono que organizou o Concello de As Pontes de García Rodríguez e a Coral Endesa e compartimos escenario co veciño Coro de mulleres de Camariñas, a Coral de Mos (Pontevedra) e os anfitrións.

Foi un festival moi entretido e variado de catro corais que o puxemos todo sobre un escenario do Teatro Aloví esteticamente moi fermoso pero cunha acústica pouco axeitada para a música polifónica.

Fomos moi aplaudidos e felicitados tanto polo público presente coma polos compoñentes das outras corais, especialmente pola nosa interpretación de “Hijo de la luna” e “California dreamin” (o que parece demostrar que a música pop está principiando a despuntar entre os afeccionados á música coral, non todo van a ser habaneras e galegadas. Aquí hai un bo tema para a reflexión).

O post-concerto foi im-presionante: sorprendéronos cun pantagruélico cocido do que da boa conta o reportaxe fotográfico. E despois para "baixalo"... unha morea de cantigas en boa confraternidade.

Moitas grazas aos nosos amigos da Coral Endesa, especialmente a Luis. Sabede que neste recuncho da nosa Costa da Vida tedes unha coral Amiga.

E o vindeiro domingo 30 de outubro participaremos en Vimianzo no I Encontro de Corais da Terra de Soneira. Será ás 18:30 horas na Casa da Cultura

A Xan Mella de aquí a Nadal

2011-10-17T20:48:00.005+02:00

Despois da exitosa actuación en Oviedo e de cantar a misa lembrando ao noso presidente fundador Pepe Valiña no séptimo cabodano do seu pasamento afrontamos coa Coral Xan Mella uns meses de outono cheos de actuacións e remataremos o ano co tradicional Concerto de Nadal VIII Memorial Pepe Valiña a celebrar no noso Baio.

De aquí a Nadal:

As Pontes de García Rodríguez, sábado 22 de outubro, 20:00 horas, Auditorio Alovi
Vimianzo, domingo 30 de outubro, 18:30 horas, I Encontro de Corais da Terra de Soneira, Casa da Cultura
Sada, sábado 19 de novembro, 19:30 horas, Casa da Cultura
Malpica, sábado 10 de decembro, 20.00 horas, Auditorio municipal
Baio, sábado 17 de decembro, 21.00 horas, VIII Memorial Pepe Valiña, Igrexa Nova

Do Concerto en Oviedo

2011-10-10T16:08:00.005+02:00

Fin de semana fantástico en Oviedo. Saímos cedo de Baio e paramos a tomar o almorzo preto de Ribadeo, xa se notaban boas sensacións no grupo que foi espertando amodiño para xa poñerse a entoar algunha que outra cantiga co acompañamento de Oscar Moya á guitarra. Chegamos ao meiodía ao Hotel Husa Santo Domingo Plaza en Oviedo, sendo atendidos moi xentil e profesionalmente por Covadonga que xa tiña todo preparado para o noso acomodo. Despois de "repenicarnos" e deixar as cousas nos cuartos fomos á Calle Gascona (o Boulevard da sidra) co noso guía Armando Vizcaíno onde tomamos uns culines para "clarexar" as voces antes de comer. Comida suave e rica e despois da sobremesa uns decidiron visitar o prerrománico asturiano (San Miguel de Lillo e Santa María do Naranco) e outros... concentración-siesta-reflexión antes do concerto.

Éran as sete da tarde cando chegamos ás magníficas instalacións do Club de Campo do Centro Asturiano de Oviedo, ao pé do Monte Naranco, onde se ía celebrar o Encontro Astur-galaico de Corais. Quentar voces e relaxarse un pouquiño. Con puntualidade asturiana deu comezo o encontro polifónico cun salón de actos con tres cuartas partes de aforo que agradeceu o esforzo de directoras e coralistas ncun calor que semellaba ao inferno.

En primeiro lugar actuuaron os anfitrións do Coro do Centro asturiano de Oviedo dirixido por Patricia Miriam Martínez Iglesias que presentou un programa case que íntegramente de canción asturiana e deixou para o final unha magnífica interpretación da cantiga galega "O voso galo comadre" que foi moi aplaudida polo público asistente, entre eles unha nutrida presencia de galegos na capital do principado.

Despois a nosa Coral Xan Mella, sempre baixo a batuta de Tatiana Pankrátova, deixou o pavillón moi alto; principou co tema asturiano, agasallo para os anfitrións, "Como la flor" e continuou con habaneras en galego e castelán, o pop de "California dreamins", cantigas galegas e rematando cun "Katiusha" co público entregado e batendo palmas con moitas ganas.

Ao final os agasallos de rigor por parte dos presidentes das dúas agrupacións polifónicas e unha festa post-concerto na que non faltaron as cantigas nin o licor café galego.

Ao día seguinte, domingo pola mañá, visita guiada polo Oviedo antigo (praza do paraugas, Corrada do Obispo, Catedral, Praza do pescado, Fontán,...) e comida típica asturiana onde non faltaron as fabes, nin o cabrales nin os "frijuelos"... tampouco a sidra.

Despois do xantar volta á terriña e parada en Mondoñedo para lembrarnos do cen aniversario do nacemento de Alvaro Cunqueiro. Na viaxe de volta todo foron risas e cantigas, non podía ser doutro xeito.

Un fin de semana redondo. Moitas grazas ao Centro asturiano de Oviedo, ao seu presidente Alfredo Canteli e, sobre todo, ao delegado coral Armando Vizcaíno. En non moitos sitios fomos tan ben tratados.

Actuación en Oviedo

2011-10-03T18:48:00.005+02:00

O vindeiro fin de semana do 8-9 de outubro a nosa Coral Xan Mella de Baio participará na capital do Principado de Asturias nun Encontro astur-galaico de corais convidados polos amigos da Coral polifónica do Centro Asturiano de Oviedo.

A nosa coral, dirixida coma sempre por Tatiana Pankrátova, presentará un programa moi variado con habaneras, canción galega, pop internacional e cantigas asturianas.

Os compoñentes da coral baiesa e acompañantes aproveitaremos tamén o fin de semana para coñecer a capital do principado: as Igrexas prerrománicas de Santa María do Naranco e San Miguel de Lillo, a Catedral de Vetusta, o Teatro Campoamor, Praza do paraugas e Parque de San Francisco. Tamén o turismo gastronómico está na nosa axenda: nas comidas non faltará a fabada asturiana, os escalopines ao cabrales e os típicos “frijuelos”

O Concerto será ás 20:00 horas do sábado 8 de outubro nas impresionantes instalacións que o Centro Asturiano de Oviedo (posiblemente a asociación máis importante da capital do Principado), ten no seu Club de Campo na ladeira do totémico Monte Naranco.

Á volta, se nos quedan folgos, temos pensado parar en Mondoñedo aproveitando que é o Ano de Cunqueiro ao cumprirse os cen anos do seu nacemento.

Encontro de corais en Corcubión

2011-09-15T19:39:00.006+02:00

Despois dun agosto case que dedicado en exclusiva á polifonía litúrxica (algo terá a nosa coral que é tan solicitada para misas e vodas) este fin de semana abrimos o novo ciclo de concertos de outono que nos levará por terras da Costa da Morte, Oviedo capital, As Pontes de García Rodríguez e Sada.

O vindeiro sábado 17 actuaremos nun encontro de Corais en Corcubión compartindo cartel coa anfitriona Airiños de Quenxe máis a Coral de Calo-Teo e outra coral santiguesa: Amigos de Compostela.

O festival será na Casa da Cultura de Corcubión ás 20:30 e a nosa coral, dirixida coma sempre por Tatiana Pankrátova, interpretará "Ave María no Morro", "Terra Meiga", "Hijo de la luna" e "Jardín de ensueño".

Libro, habaneras e Carballeira de Zas

2011-08-11T20:52:00.005+02:00

Despois das merecidas vacacións regresamos ao traballo e o xoves 4 de agosto a nosa AMC Pepe Valiña- Coral Xan Mella presentou o libro póstumo do noso presidente fundador, José Rojo Valiña, titulado “Sabías que… Baio… e algo máis” nunha Casa Ovidio de Baio que se atopou ateigada de xente coma nos vellos tempos, cando facían ata seis vodas nunha fin de semana. No acto falaron Antonio Díaz Amor (presidente da AMC Pepe Valiña), Cándido Fuentes (amigo do autor e labartiano de pro), Xose María Lema (historiador), Marta Rey (filóloga e editora do libro) e Manuel Muíño (alcalde de Zas).

Foi unha tarde de emocións contrastadas: por unha parte a tristura de non ter presente ao autor do libro e por outra a ledicia de ver o libro publicado, unha obra que deixara inacabada José Rojo Valiña e á que lle deu corpo a filóloga Marta Rey e na que se recolle a historia de Baio no último século, os oficios, os xogos da infancia, galería de baieses ilustres, etc. Tamén recolle o libro a vea máis intima do autor na súa faceta de poeta. Todo elo ilustrado con moito material fotográfico.

Ao remate do acto Olga e Teresa Rojo, irmáns do noso presidente fundador convidaron á directiva da nosa asociación e aos ponentes a unha suculenta cea na que non faltaron as "Ameixas estilo casa Ovidio"(a receita tamén se atopa no libro).

Máis información sobre o libro pincha aquí

Máis información sobre a presentación do libro pincha aquí

O libro "Sabías que...? Baio... e algo máis" atópase á venda en Droguería Reymúndez.

Xa o sábado pola mañá a coral Xan Mella cantou a misa de aniversario no funeral de Roberto de Veloso, filántropo baiés que deixou en herdanza ao pobo de Baio a súa gran biblioteca.

Ese mesmo sábado a polifónica Xan Mella participou no XII Festival de Habaneras de Cee, compartindo cartel coa Coral Airiños de Quenxe de Corcubión e a Coral Neria Costa da Morte. A coral baiesa foi moi aplaudida e felicitada tanto polo numeroso público asistente como polos membros das outras corais, a pesares de celebrarse o recital ao aire libre e cunhas condicións acústicas que deixaban moito que desexar.

O domingo a coral que dirixe Tatiana Pankrátova pechou os actos da Semana Cultural da Carballeira de Zas nun concerto na igrexa da capital do Concello no que se mesturou a canción galega coas habaneras, a música pop e o folclore internacional. A numerosa xente que ateigaba a igrexa emocionouse cos sons da “Habanera de Baio”, vibrou cos ritmos de “California Dreamin” e bateu palmas con moitos folgos ao compás de “Katiusha”.

De remate a coral Xan Mella interpretou o tema “Hasta mi final” co acompañamento da directora ao piano e de Dasha Pankrátova ao violín. Os asistentes despediron á coral postos en pe con numerosos aplausos.

A coral Xan Mella continúa os ensaios preparando as próximas actuacións que serán en Traba (Coristanco), Laxe, Corcubión, Meirás e As Pontes de García Rodríguez.

Do IX Encontro de corais en Baio, II

2011-06-21T21:08:00.005+02:00

Na entrada anterior Marcos Besada, alcalde de Salceda de Caselas, coa Coral de Entenza.

E máis a Coral Xan Mella de Baio cos homes estreando camisas de liño.

Nesta entrada: a Coral Endesa de As Pontes e a Coral de Rianxo.

Do IX Encontro de corais en Baio

2011-06-21T20:16:00.004+02:00

De éxito total podemos calificar o IX Encontro de corais que se celebrou en Baio o pasado sábado. Coa igrexa nova ateigada de xente, e coa presencia dos alcaldes de Salceda de Caselas e de Zas, as catro agrupacións polifónicas ofreceron unha velada moi variada na que se foron intercalando habaneras, cantigas galegas, boleros e ata temas pop.

Ao remate os agasallos de rigor e un cariño moi especial para Dona Carme Riveiro, presidenta dos Amigos do Liño de Baio,de parte da AMC Pepe Valiña por regalarnos o tecido do liño das camisas que estraban esa noite os homes da Coral Xan Mella.

A festa rematou cunha pantagruélica cea onde non faltaron as cantigas de sobremesa.

Moitas grazas aos nosos amigos de Rianxo, das Pontes e de Entenza. Unha vez máis se fixo realidade o proverbio alemán "Onde escoites cantar senta tranquilamente, os malvados non teñen cancións".

Tríptico IX Encontro de Corais en Baio

2011-06-13T15:30:00.002+02:00

Despois do cartel aquí vos deixamos o tríptico do encontro polifónico do vindeiro sábado en Baio.

Cartel e tríptico son unha pequena homenaxe e agradecemento a Carme Riveiro, presidenta da Asociación dos Amigos do Liño, dela son os chales e flores que lucen as nosas mulleres e dela son tamén as garabatas e camisas que estrearán os homes da coral o vindeiro sábado.

Moitas grazas a Carmen e aos Amigos do Liño.

IX Encontro de corais en Baio

2011-06-07T13:01:00.003+02:00

O vindeiro sábado 18 de xuño ás 21.00 horas terá lugar na Igrexa nova de Baio o IX Encontro de Corais que organiza a A.M.C. Pepe Valiña onde participarán as seguintes agrupacións polifónicas:

Coral do Liceo Marítimo Rianxeiro dirixida por Beatriz Navia Rodríguez
Coro de Entenza de Salceda de Caselas (Pontevedra) dirixido por Javier Alonso Pérez
Coral Endesa de As Pontes dirixida por Olga Vigo
Coral Xan Mella de Baio dirixida por Tatiana Pankrátova

Do Encontro de corais en Muxía

2011-05-29T10:03:00.004+02:00

De éxito total podemos calificar o III Encontro de corais da Costa da Morte no que participamos onte en Muxía e que reuniu ás corais de Corcubión, Baio, Carnota, Camariñas e Muxía.

O Salón do Voluntariado quedouse pequeno para escoitar un variado repertorio: canción galega, habaneras, música pop e boleros. Delo da conta La Voz de Galicia na edición de hoxe.

Da nosa actuación destacamos que están a gustar moito os dous temas que acabamos de estrear "Ruada de Chamosa" e "California dreamin" e que o público participou con nós e batiu palmas con forza ao ritmo de "Katiusha".

Como non podía ser menos a velada rematou cos pinchos post-concerto no que non faltaron as cantigas.

Ano tras ano este certame, que organiza a Asociación Neria, vai gañando en cantidade e tamén en calidade.

A segunda parte celebrarase en Laxe o vindeiro 15 de outubro onde ademais da agrupación anfitriona participarán as corais de Cesullas, Corme, Malpica e Neria.

Máis fotos no facebook Coté Xan Mella

E a seguinte actuación da Xan Mella será no IX Encontro de corais que celebraremos na Igrexa nova de Baio o sábado 18 de xuño ás 21:00 horas no que participaremos as seguintes polifónicas.

Coral Endesa de As Pontes de García Rodríguez
Coral do liceo marítimo rianxeiro
Coral de Entenza de Salceda de Caselas (Pontevedra)
Coral Xan Mella de Baio

III Encontro de Corais da Costa da Morte

2011-05-25T15:16:00.005+02:00

O vindeiro sábado 28 de maio celebrarase o III Encontro de Corais da Costa da Morte que organiza a Asociación Neria no que participaremos as seguintes agrupacións polifónicas:

1º: CORAL AIRIÑOS DE QUENXE de Corcubión

2º: CORAL POLIFÓNICA XAN MELLA de Baio-Zas

3º: CORAL DA ESCOLA DE MÚSICA DE Carnota

4º: CORAL MUNICIPAL DE MULLERES DE Camariñas.

5º: CORAL POLIFÓNICA VIRXE DA BARCA de Muxía

O Encontro será no Salón do Voluntariado en Muxía ás 19:00 horas

O programa que presentará a Coral que dirixe Tatiana Pankrátova será o seguinte:

1.- Ruada de Chamosa (popular)……Harm. Domínguez

2.- California dreamin………………..The Mamas & The Papas

Arranxos: T. Pankrátova

3.- Katiusha…………………………....Blanter/ Pankrátova

E xa temos todo preparado para o IX Encontro de Corais que celebraremos na Igrexa nova de Baio o sábado 18 de xuño ás 21:00 horas.

Seguiremos informando

Do concerto en Calo-Teo

2011-05-23T19:21:00.006+02:00

Estamos moi satisfeitos da nosa actuación o pasado fin de semana en Calo-Teo onde fumos moi felicitados e aplaudidos polo público e os integrantes das outras corais (os anfitrións e a coral de Villanueva de la Vera-Cáceres; os de Corcubión non nos poideron escoitar pois marcharon xusto despois de actuar por mor dun accidente dun parente dunha coralista). Estreamos a "Ruada de Chamosa" que gustou moito, tanto ou máis que "California Dreamin", e o público bateu palmas coma nunca ao compás de "Katiusha". Estos tres temas serán os que cantaremos o vindeiro sábado 28 de maio en Muxía no III Encontro de corais da Costa da Morte

Ao remate gozamos dunha fantástica cea cos anfitrións e os extremeños onde reinou a confraternidade e o bo cantar.

Moitas grazas aos amigos da SR de Calo aos que esperamos escoitar moi pronto por esta Costa da Vida.

Actuación en Calo (Teo)

2011-05-17T10:36:00.003+02:00

O vindeiro sábado 21 de maio a Coral Xan Mella participará no IV Certame de Corais que organiza a S. R. Calo no Auditorio da Ramallosa no Concello de Teo.

Compartiremos cartel coa coral Airiños de Quenxe de Corcubión, Coral Vera Cantorum de Villanueva de la Vera (Cáceres) e os anfitrións da Polifónica de Calo.

A coral que dirixe Tatiana Pankrátova presentará un variado programa de habaneras e pop internacional e estreará un novo tema: a peza popular galega "Ruada de Chamosa".

O Concerto será ás 19:30 horas

E o sábado 28 de maio estaremos en Muxía participando no III Encontro de Corais da Costa da morte que organiza a Asociación Neria

California dreamin

2011-05-15T13:08:00.003+02:00

A música das imaxes, imaxes para un músico

2011-05-09T20:20:00.001+02:00

Dez anos fai que nos abandonou un amigo: músico, animador cultural, escritor, pedagogo, compositor, director, dramaturgo, político… Un amigo polifacético pero, sobre todo, Amigo.

Con Hernán Naval compartín moitas horas de conversas nas que falamos do divino e do humano arredor da filosofía e da música. Paradoxicamente foi el o que me descubriu a Walter Benjamín e fun eu o que lle amosei que a música de jazz podía ser unha boa “terapia” para os seus educandos.

Moitas van ser as homenaxes destes días e dende aquí vos quero convidar a unha delas:

Outro amigo, un amigo común, o deseñador Chenchu López (que leva traballando altruistamente para a Coral Xan Mella dende a súa fundación facendo os carteis do Memorial Pepe Valiña e outros deseños) recupera carteis feitos por el para a Banda de Ribadeo que dirixiu Hernán.

A exposición leva por título “A música das imaxes, imaxes para un músico” e poderá verse entre os días 13 e 22 de maio de 2011 na antiga Oficina de Turismo de Ribadeo (Lugo), no Parque de San Francisco.

Se vos pasades por Ribadeo non dubidedes e ide a visitala. Non vos defraudará.

Antonio Díaz Amor

(presidente da AMC Pepe Valiña-Coral Xan Mella)

Do Concerto en Beluso

2011-05-04T20:12:00.003+02:00

O pasado domingo foi o Día da Nai e tamén o Día do traballo e nós celebrámolo como mellor o sabemos facer: cantando cos amigos. Esta vez foi en Beluso-Bueu (Pontevedra) onde compartimos cartel coa polifónica local e Voces amigas de Moraña.

Cos de Moraña xa tíñamos cantando fai uns anos en Pontedeume e decatámonos que dende aquela medraron en calidade. Co traballo do día a día e o esforzo vese que se poden conseguir moitas cousas.

Gratamente sorprendidos quedamos ao escoitar as voces da Polifónica de Beluso pois tan so con 25 compoñentes presentan unhas voces moi afinadas, empastadas e con moita potencia (algo dificil de escoitar nestes tempos nos que prima máis a cantidade que a calidade). Baixo a batuta do profesor Jose Ramón Portela Otero presentaron un programa moi compensado do que destacamos "Iluxit Nobis Hodie" e "In monte oliveti.

A nosa Coral Xan Mella (sempre baixo adirección da nosa fundadora Tatiana Pankrátova) sigue na liña de presentar programas variados que mesturan polifonía litúrxica con música galega, hananeras e, esta vez, o estreo do tema pop "California dreamin".

Fomos moi aplaudidos e felicitados nunha igrexa ateigada e cunha acústica impresionante. O tema de The Mamas & The Papas foi un éxito o día da estrea pola nosa coral. Para escoitalo pincha aquí

Ao remate poidemos disfrutar dunha agradable xornada de convivencia post-concerto cun pincheo pantagruélico onde non faltaron as cantigas (agora xa dun xeito máis informal).

Moitas grazas aos nosos amigos de Beluso aos que esperamos escoitar moi pronto en Baio para gozar do seu bo facer polifónico.

Próximas actuacións:

Sábado 21 de maio en Calo-Teo (Santiago)
Sábado 28 de Maio en Muxía, III Encontro de corais da Costa da Morte

Concerto en Beluso (Pontevedra)

2011-04-24T12:40:00.002+02:00

Despois das vacacións retomamos os ensaios pensando nas próximas actuacións que serán as seguintes:

domingo 1 de maio en Beluso-Bueu (Pontevedra)
sábado 21 de maio en Calo-Teo (Santiago)
sábado 28 de maio en Muxía, III Encontro de Corais da Costa da Morte
sábado 11 de xuño en Zas, misa de voda
18 de xuño, sábado, en Muíño-Zas, misa de voda
18 de xuño, sábado, en Baio, IX Encontro de Corais
25 de xuño, sábado, en Baio, misa de Corpus

Asemblea xeral da Coral Xan Mella

2011-03-01T18:43:00.004+01:00

O pasado venres celebramos asemblea xeral da AMC Pepe Valiña-Coral Xan Mella para facer balance do acontecido no 2010 e presentar os proxectos para este ano 2011 que acaba de principiar.

Estamos moi satisfeitos das 21 actuacións realizadas pola Coral Xan Mella (dirixida dende a súa fundación pola profesora Tatiana Pankrátova) o ano pasado, das que 7 se celebraron na nosa vila e 14 fora de Baio; e temos que destacar, sobre todo, a Misa na Catedral da Almudena e o concerto no Centro Galego de Madrid, así como o participar no Concerto de presentación do primeiro disco do Coro polifónico de Entenza de Salceda de Caselas (Pontevedra), cantar no XV Certame de Habaneras de Rianxo e tamén na V Xuntanza coral de canto galego: o son dos cantares en Mos (Pontevedra) representando á provincia de A Coruña. Tamén fomos seleccionados, por quinto ano consecutivo, para a Mostra En Clave Coral que organiza a FECOGA e a Xunta de Galicia, concerto que se celebrou no Carballiño (Ourense).

Na nosa vila celebramos, como é tradicional, dúas xuntanzas de corais nas que tivemos a oportunidade de escoitar á Coral do Rosal (Pontevedra), Coral do Liceo de Noia, Coro de Mulleres de Vilaboa e á Coral de Malpica. Dous festivais nos que a Igrexa nova de Baio volveu quedar pequena.

O 2010 foi o ano da gravación e presentación do noso segundo CD titulado “De entrañas da terra”, un traballo do que quedamos moi satisfeitos e que está a gustar moito.

Para este ano 2011 hai xa apalabradas case unha ducia de actuacións, polo de agora, que nos levarán a Beluso-Bueu (Pontevedra), ao Concello de Teo, a Laxe ou a Muxía, entre outras, e de novo cantaremos na viciña Lusitania, esta vez en Lisboa convidados polo Coro Ad Divitias do Instituto Nacional de Estadística.

En Baio celebraremos neste 2011 o 18 de xuño o IX Encontro de Corais e o 17 de decembro a oitava edición do Concerto de Nadal Memorial Pepe Valiña.

Como non podía ser doutro xeito a asemblea rematou cunha pantagruélica cea cociñada por Olga e Teresa Valiña (as irmáns do noso lembrado presidente fundador) no que non faltaron as cantigas de sobremesa.

Seguiremos informando.

As Pankrátovas na Voz de Galicia.

2011-01-18T12:29:00.004+01:00

O xornal La Voz de Galicia do pasado domingo trouxo unha entrevista-reportaxe coa nosa directora e a súa filla. Pinchando nas fotos podedes leela en grande. Moitas grazas aos nosos amigos da redacción de La Voz en Carballo, especialmente a Ana García por tan fermosa fotografía.

Xa está na web o video de "Hasta mi final" no que a Coral Xan Mella é acompañada ao violín por Dasha Pankrátova e Tatiana dirixe e toca o piano. Pincha aquí

Do Concerto de Nadal VII Memorial Pepe Valiña

2010-12-20T15:23:00.005+01:00

A pesares do frío a Igrexa nova de Baio volveu quedar pequena para acoller o Concerto de Nadal VII Memorial Pepe Valiña celebrado o pasado sábado.

Abríu a velada o Coro de Mulleres de Vilaboa dirixido por Antonio Piñeiro. Era a primeira vez que un coro formado so por voces de muller actuaba na nosa vila e abofé que gustaron moito (a pesares de vir con media ducia de baixas) sobre todo a "Jota baturra" e o remate coa cantiga galega "Lévame" no que o público colaborou batendo palmas.

En segundo lugar actuou a Coral de Malpica baixo a batuta de Carlos Fidalgo. Moi aplaudida foi a súa interpretación do tango "Caminito" e agradecido quedou o público co agasallo do final cun Nadal moi, pero que moi polifónico.

Os anfitrións pechaban un ano especial, no que gravaron o seu segundo disco, e deixaron o pabillón moi alto. A xente volveu gozar coa interpretación de "Hijo de la luna" e a "Habanera de Baio" e o estreo do tema "Hasta mi final" (co coro acompañado ao piano pola directora Tatiana Pankrátova e ao violín por Dasha Pankrátova) fixo emocionarse a un auditorio entregado coa coral baiesa. Pincha aquí.

Se en Viena para rematar a xente participa coa marcha Radetzky en Baio xa é tradicional rematar o Concerto de Nadal coa Coral Xan Mella cantando "Katiusha" e co público en pé batendo palmas ao compás do tema ruso.

Despois pantagruélica cea no que non faltaron as cantigas de sobremesa.

Moitas grazas aos nosos amigos de Vilaboa e de Malpica e Felices Festas para todos e un próspero e musical 2011.

Tríptico VII Memorial Pepe Valiña

2010-12-15T12:07:00.000+01:00

VII Memorial Pepe Valiña en Baio

2010-12-10T12:16:00.004+01:00

P R O G R A M A

Coro de mulleres de Vilaboa

Director: Antonio Piñeiro

Zorongo................................Popular andaluza

La Golondrina.......................................Juárez

Jota baturra..................................Juan Bustos

Adios ríos, adios fontes............Rosalía de Castro+Juan Antolín

Lévame, Lévame......................Popular galega

Coral de Malpica

Director: Carlos Fidalgo Pombo

La Adelita............................Popular mexicana

Gotas de lluvia……………........B. Bacharach

Caminito.......................Juan de Dios Filiberto

Cant Help…….…………………Luigi Creatore

Arranxos C. Fidalgo

Rosina........................Arm. Gonzalo Casielles

Coral Xan Mella

Directora: Tatiana Pankrátova

Sobre la noche reina………...Praetorius

Lela.......... Castelao/Domínguez/Pankrátova

Hijo de la luna…………J.M. Cano

Arranxos: W.Blanco/ T. Pankrátova

Habanera de Baio….…...P.Varela/A.D.Amor

Hasta mi final... W.Héctor, S.Mac & R. Pérez

Violín: Dasha Pankrátova

A cea da patroa

2010-11-30T15:42:00.003+01:00

Estamos moi contentos dos resultados da cea na que nos xuntamos para honrar á patroa dos músicos. Boa comida, boa bebida e excelente confraternidade entre coralistas, familiares e acompañantes no Restaurante A Lareira de Baio.

Delo dan conta os nosos amigos do xornal La Voz de Galicia.(pincha aquí)

A foto da sobremesa tamén di algo... ou non?

Do concerto no Carballiño

2010-11-23T21:43:00.003+01:00

Por quinto ano consecutivo (tantos coma edicións) participamos no Certame En Clave Coral. Este ano tocou actuar na vila ourensá de O Carballiño xunto á anfitriona Coral do Casino e os vigueses do Coro apóstol Santiago.

Presentamos un programa que gustou moito ao público que enchía o salón de actos do Casino local (da acústica é mellor non falar) e tamén aos compoñentes das outras corais participantes; sobre todo foi moi aplaudida a nosa interpetación de "Hijo de la luna" e o remate co público batendo palmas aó compás de "Katiusha".

E agora xa estamos inmersos nos preparativos do Concerto de Nadal Memorial Pepe Valiña que celebraremos na Igrexa nova de Baio o sábado 18 de decembro ás 21:00 horas e no que contaremos co Coro de Mulleres de Vilaboa (Culleredo) e a Coral de Malpica como corais convidadas.

Pero antes festexaremos a festividade de Santa Cecilia o vindeiro sábado no Restaurante A Lareira de Baio onde celebraremos unha cea de confraternidade reuníndonos coralistas, familiares e amigos.

Non todo vai ser cantar.

Concerto en O Carballiño (Ourense)

2010-11-16T11:24:00.003+01:00

O próximo sábado 20 de novembro a Coral polifónica Xan Mella actuará en O Carballiño (Ourense) no V Certame de Corais "En clave coral" que organiza a FECOGA e a Xunta de Galicia compartindo esceario co Coro Apóstol Santiago de Vigo e os anfitrións da Coral polifónica do Casino do Carballiño.

O concerto celebraráse ás 20:00 horas no Salon de Actos do Casino do Carballiño.

Xa en decembro a coral que dirixe Tatiana Pankrátova cantará unha misa na Laracha o domingo 12 e pechará o ano co tradicional Concerto de Nadal VII Memorial Pepe Valiña que se celebrará o sábado 18 na igrexa nova de Baio ás 21:00 horas e que este ano terá como convidados ao Coro de Mulleres de Vilaboa (Culleredo) e á Coral de Malpica.

Do concerto en Mos

2010-11-04T19:41:00.005+01:00

O pasado sábado cantamos en Mos (Pontevedra) e saímos cedo de Baio coa intención de parar en Santiago para gañar o xubileu pero (por mor do tempo climatolóxico, rúas cortadas, carreira pedestre, obras e etc.) … o máis cerca que estivemos da catedral foi almorzando uns albariños co amigo Zapatones que presume de ter unha capa de liño galego agasallo de Carme Riveiro e dos Amigos do Liño de Baio. Outra vez será.

A V Xuntanza Coral de Canto Galego “O son dos cantares” encheu de público o mega-auditorio do Multiusos de Mos no que participábamos cinco corais (unha coral portuguesa e catro corais galegas, unha por cada provincia).

No concerto, un pouco longo, todas as corais gustaron moito e foron moi aplaudidas. Pero a nós especialmente nos agradou a polifónica de Ribadeo ( non é por facerlle a pelota ao noso presidente) que coas súas case cincuenta voces nos deleitaron cun programa moi variado do que destacamos a fermosa versión de “Unha noite na eira do trigo”. A coral ribadense ten dez lustros de existencia e é a decana da provincia de Lugo.

A nosa Xan Mella en representación da provincia de A Coruña deixou o pavillón moi alto e fomos moi felicitados tanto polo público como polos demais membros das outras corais participantes (o portugués Orfeao Dr. Joao Antunes de Condeixa a Nova, a Polifónica de Ribadeo, o Orfeón de Trives de Ourense e os anfitrións da Coral O Son dos Cantares). Moi aplaudida foi a nosa interpretación de “Terra Meiga” de Rey Rivero.

Ao remate todas as corais xuntas cantamos o Himno Galego e despois gozamos dunha fermosa velada post-concerto no que principiamos as xestións cos amigos portugueses para tentar de facer outro intercambio e de paso coñecer a fermosa cidade de Coimbra.

Moitas grazas aos compoñentes da Coral O Son dos Cantares pola perfecta organización e amabilidade con todos nós. Unha coral amiga que esperamos ver moi pronto por esta Costa da Vida.

E seguimos ensaiando. A próxima parada da nosa xira será o vindeiro sábado 20 de novembro en O Carballiño (Ourense) alí participaremos, por quinto ano consecutivo, na edición deste ano do Certame en Clave coral seleccionados pola FECOGA e a Xunta de Galicia.

Seguiremos informando.

Concerto en Mos (Pontevedra)

2010-10-25T11:23:00.004+02:00

Despois dunha moi boa actuación o pasado fin de semana no II Encontro de Corais da Costa da Morte, celebrado en Cabana de Bergantiños, o vindeiro domingo 31 de outubro a Coral Xan Mella participará na V Xuntanza Coral de Canto Galego O Son dos Cantares que se celebrará en Mos (Pontevedra) representando á provincia de A Coruña. Participan unha coral por cada provincia galega máis unha coral portuguesa.

O acto será no Multiusos de Mos ás 17:00 horas.

II Encontro de Corais da Costa da Morte

2010-10-19T10:29:00.007+02:00

O vindeiro sábado 23 de outubro ás 20:00 horas celebraráse no Auditorio de Cabana de Bergantiños o II Encontro de Corais da Costa da Morte que organiza a Asociación Neria e no que participarán as seguintes agrupacións polifónicas:

Coro de Mulleres de Camariñas

Coral Brisas do Mar de Corme

Coral Virxe da Barca de Muxía

Coral Neria da Costa da Morte

Coral Xan Mella de Baio

Coral de Cesullas

A nosa coral dirixida, coma sempre, por Tatiana Pankrátova cantará un tema galego ("Terra Meiga", de Rey Rivero), unha canción pop ("Hijo de la luna", de Mecano) e rematará coa habanera "Torrevieja" de Ricardo Lafuente.

Pepe Domingo Castaño e a Xan Mella

2010-10-04T12:43:00.008+02:00

Onte ao mediodía recibimos un sms de Pepe Domingo Castaño avisándonos que no programa"Tiempo de juego" da COPE falaría da nosa Coral Xan Mella. Non so falou senón que tamén pinchou un anaquiño de "Hijo de la luna". Unha alegría para todos nós.

Se queres escoitalo pincha no seguinte enlace e busca programación entre as 16:00 e 17:00, no minuto 29 falan de nós. Tiempo de juego.

Moitas grazas ao noso viciño de Padrón e á xente de "Tiempo de juego"

Agradecemento a La Juvenil

2010-10-02T10:24:00.004+02:00

Esta semana a directiva da Xan Mella celebrou unha cea para agradecer a Pastas La Juvenil (Buenos Aires-Arxentina) todo o ben que se están portando coa nosa coral dende a súa fundación aló polo outono do ano 2002.

Os irmáns Bermudez Ferreiro, baieses emigrados ao pais do tango, non se esquecen do seu pobo nin dos seus viciños e como di o refrán que é de bos nacidos ser agradecidos desde este blog tamén lles queremos amosar o noso cariño.

Esta vez foi Julio Bermúdez e a súa dona Irene os que compartiron cocido galego con nós. Esperamos que para a próxima sexan todos os Bermúdez os que se senten á nosa mesa na que, por suposto, non faltaron as cantigas de sobremesa.

Boa viaxe de volta á Arxentina e esperamos velos pronto de novo por estas terras labartianas.

Inicio curso Escola de Música

2010-09-28T12:52:00.002+02:00

A Escola de Música da Asociación músico cultural Pepe Valiña de Baio-Zas convoca unha reunión coa profesora Tatiana Pankrátova para todos os interesados en matricularse nas clases de iniciación á música, linguaxe musical, piano e piano para adultos para o vindeiro xoves 30 de setembro co fin de planificar as clases do curso 2010-2011. A reunión será no Pavillón de Baio ás 21:00 horas.

O cartel é obra do deseñador Chenchu López.

Do concerto en Rianxo

2010-09-15T10:04:00.005+02:00

Principiamos a xira de presentación do noso novo Cd o pasado sábado nas Festas da Virxe de Guadalupe en Rianxo cunha vila ateigada e un Auditorio Municipal ata a bandeira para gozar do XV Certame de Habaneras.

Aínda que fomos algo curtos de plantel (faltaban dez compoñentes da Xan Mella, que por motivos persoais/profesionais non poideron estar neste concerto) pagou a pena compartir cartel cos anfitrións da Polifónica do Liceo Marítimo Rianxeiro e as Corais Endesa das Pontes de García Rodríguez e Santa Comba de Cordeiro (Valga).

A vila de Castelao emocionouse coa nosa interpretación de "Lela" e o acorde final de "Torrevieja" apenas se poido escoitar porque un público entregado nos premiou coa mellor das súas ovacións.

Ao final as catro corais interpetamos conxuntamente "A Rianxeira", non podía ser outra, e, despois dos protocolarios pinchos post-concerto regresamos a Baio cantando e cantando no bus co acompañamento á guitarra do noso bo amigo Óscar Moyá.

Moitas grazas aos nosos amigos do Liceo Marítimo Rianxeiro aos que teremos pronto por estas terras labartianas.

Próxima parada: sábado 23 de outubro, Cabana de Bergantiños, "II Encontro de corais da Costa da Morte".

Xira de presentación do novo CD

2010-09-09T09:37:00.009+02:00

Despois dos actos de presentación nas Torres do Allo do noso novo Cd "De Entrañas da Terra" e de cantar a Misa conmemorativa do XXV aniversario da inauguración da Igrexa nova de Baio retomamos os ensaios para preparar a Xira de presentación do novo disco:

11 de setembro.- participaremos no XV Festival de Habaneras de Rianxo convidados pola Coral do Liceo Marítimo Rianxeiro con motivo das Festas da Virxe de Guadalupe. Será ás 21:00 horas no Auditorio Municipal e ademáis da anfitrioa tamén cantarán a Coral de As Pontes de García Rodríguez e a Coral de Cordeiro.
23 de outubro.- cantaremos na II edición do "Encontro de Corais da Costa da Morte" que se celebrará no Auditorio de Cabana de Bergantiños organizado pola Asociación Neria.
31 de outubro.- Viaxaremos a Mos (Pontevedra) representando á provincia de A Coruña na "V Xuntanza coral de canto galego: O Son dos Cantares". Neste encontro polifónico participan unha coral por cada provincia galega máis unha coral portuguesa.
20 de novembro.- Seleccionados pola Federación coral Galega e a Xunta de Galicia cantaremos en O Carballiño (Ourense) no V Certame En Clave Coral.
18 de decembro.- Celebraremos en Baio o VII Memorial Pepe Valiña xunto ao Coro de Mulleres de Vilaboa (Culleredo-A Coruña) e a Coral de Malpica.

A foto de Tatiana Pankrátova dirixindo á coral é

obra de Marcos Rodríguez,

un gran artista amigo da nosa Asociación Pepe Valiña.

Crónica da presentación do novo Cd da Xan Mella

2010-08-30T11:11:00.003+02:00

O Pazo das Torres do Allo quedou pequeno para acoller a presentación da nova gravación da Coral Xan Mella titulada "De entrañas da terra". Máis dun cento de persoas se deron cita nun acto que contou coas intervencións de Antonio Díaz Amor (presidente da AMC Pepe Valiña-Coral Xan Mella), Ricardo García Mira (catedrático de psicoloxía social da Universidade da Coruña), Perfecto Varela Vázquez (compositor borneirán do que a Xan Mella gravou dúas cancións neste novo CD), Tatiana Pankrátova (directora da coral) e Manuel Muíño (Alcalde do Concello de Zas).

Todos os intervintes resaltaron a importancia que ten gravar un segundo CD para unha coral con tan só oito anos de existencia e pertecente a unha vila de pouco máis de mil cincocentos habitantes; "un orgullo para o noso Concello" comentou o alcalde Zas, "unha gravación necesaria porque a coral medrou en calidade" en palabras do noso presidente e "un disco froito do traballo de moitas horas de ensaio e con trece temas de moita máis complexidade que os do primeiro CD" en palabras da nosa directora Tatiana Pankrátova.

Ao remate proxectouse uha pequena película que recolle anéctodas do día da gravación.

A festa continuou en Casa Rogelio de Baio ata altas horas da madrugada onde, por suposto, non faltaron as cantigas de sobremesa.

Moitas grazas a todos, especialmente á Deputación da Coruña e á Fundación Paideia (que subvencionaron parte do custo da gravación), ao Concello de Zas e á Asociación Neria que nos cediu xentilmente o Pazo das Torres do Allo.

Agora estamos ensaiando para as próximas actuacións:

5 de setembro: misa de festa en Baio Grande
11 de setembro: festival de Habaneras en Rianxo

Presentación do novo CD da Xan Mella

2010-08-25T13:00:00.003+02:00

O vindeiro sábado 28 de agosto a Coral Xan Mella presentará o seu segundo disco titulado "De entrañas da terra". O evento será no Pazo das Torres do Allo ás 21:00 horas e nel intervirán, entre outros, Antonio Díaz Amor (presidente da AMC Pepe Valiña-Coral Xan Mella), Perfecto Varela (compositor borneirán do que a coral canta dous temas no novo CD), Tatiana Pankrátova (directora da Xan Mella) e Manuel Muíño (Alcalde de Zas). Tamén teñen confirmada a súa presencia representantes da Deputación de A Coruña e da Fundación Paidea (institucións que patrocinan o disco) e da Federación coral Galega.

O novo CD contén as seguintes cancións:

1.- De entrañas da Terra (Perfecto Varela)

2.- Terra Meiga (Rey Rivero)

3.- Nos Caneiros (Daniel González)

4.- Lela (Castelao+R. Mato)

5.- Ave María no Morro (Martins)

6.- Hijo de la luna (J.M. Cano)

7.- Como la flor (E.M. Torner)

8.- María la portuguesa (Carlos Cano)

9.- Salve rociera (D. Casares)

10.- Katiusha (Isakovski+ Blanter)

11.- Jardin de ensueño (Rey Rivero)

12.- Torrevieja (Ricardo Lafuente)

13.- Habanera de Baio (A.D. Amor+P.Varela)

Concerto en Zas

2010-08-09T16:33:00.005+02:00

A igrexa de San Andrés quedouse pequena para acoller o acto de clausura da Semán cultural de Zas. O alcalde do noso concello, Lolo Muíño, agradeceu a asistencia a este acto e se lembrou de todas as asociacións que fan posible esta semán enfatizando o éxito da Festa da Carballeira de Zas cunha calidade musical digna de enfatizar. De seguido presentou á Coral Xan Mella que pechou os actos cun concerto onde se mesturaron cancións galegas, habaneiras e folclore internacional, rematando co himno galego, cantando todos, co público posto en pé.

Ao remate entrega de ramos de flores para a nosa directora e a súa irmá, Nina, que exerce de embaixadora do noso concello en Bielorrusia.

E despois... festa no Restaurante Soneira.

Remataron as vacacións

2010-08-02T15:51:00.002+02:00

Remataron as vacacións e xa principiaron os ensaios da Xan Mella. A nosa directora e o presi aproveitaron os días de descanso no sur de Gran Canaria para traballar un posible intercambio cunha coral da illa e foron entrevistados en Radio Sol na Praia del inglés/Maspalomas, onde pincharon media ducia de temas do novo CD "De entrañas da terra".

Á espera dos actos de presentación do novo disco a Coral Xan Mella ofrecerá un concerto na Igrexa de Zas o vindeiro domingo 8 de agosto ás 21:15 horas para pechar a Semán cultural que organiza o noso Concello.

Novos vídeos da Xan Mella

2010-07-05T08:47:00.002+02:00

Novos vídeos da Coral Xan Mella en you tube:

"Habanera de Baio" (pincha aquí)

"Hijo de la luna" (pincha aquí)

V Certame "En clave coral"

2010-06-30T11:35:00.004+02:00

Principiamos as vacacións e recibimos a boa noticia de que por quinto ano consecutivo a nosa Coral Xan Mella de Baio-Zas foi seleccionada pola FECOGA e a Xunta de Galicia para participar no V Certame de corais "En clave coral".

A coral que dirixe Tatiana Pankrátova foi seleccionada xunto a outras 24 corais galegas.

O certame celebrárase en distintas cidades galegas nos meses de setembro, outubro e novembro.

Nos catro certames anteriores a coral baiesa actuou nas vilas de Lugo, A Coruña, Padrón e Campañó (Pontevedra).

E a volta de vacacións... presentación do novo CD "De entrañas da terra".

Éxito total no VIII encontro de corais en Baio

2010-06-21T11:19:00.003+02:00

Éxito total. Non podemos cualificar doutro xeito o VIII Encontro de corais celebrado este pasado fin de semana en Baio.

Cunha Igrexa ateigada coma nunca as polifónicas do Liceo de Noia, do Rosal e a anfitriona Xan Mella ofreceron un concerto que fixo vibrar e emocionarse a un público entregado e que soubo premiar ás corais con numerosos aplausos.

Abriu a noite a Coral do Liceo de Noia dirixida por Domingo Barreiros da que gustaron moito o espiritual “No tardes Tom” e o tema “Dicen que se muere el mar”.

Toño Vicente dirixiu á Coral da Agrupación musical do Rosal (Pontevedra) que principiou co bolero “Sin ti” e rematou co “El menú” que nos deixou moi, pero que moi bo sabor de boca.

A nosa Coral Xan Mella (dirixida maxistralmente por Tatiana Pankrátova), adornada con garabatas e flores de Liño de Galicia, ofreceu o que para moitos dos presentes foi o seu mellor concerto na casa. Alfa e Omega do compositor borneirán Perfecto Varela, presente, principiou e rematou con dous temas de el: “De entrañas da terra” e “Habanera de Baio. Polo medio unha excelente interpretación de “Hijo de la luna” que levantou moitos bravos entre o respectable.

Broche final coa estrea mundial da “Habanera de Baio” e co público posto en pé aplaudindo un tema que, a petición dos asistentes, houbo que repetir.

A noite rematou cunha pantagruélica cea de confraternidade onde coralistas e convidados fixeron bo aquel dito alemán que di “Onde escoites cantar senta tranquilamente, os malvados non teñen cancións”.

Moitas grazas aos nosos amigos de Noia e do Rosal por compartir con nós unha velada tan agradable.

Estreo da Habanera de Baio

2010-06-17T20:44:00.001+02:00

A Xan Mella estrea a “Habanera de Baio”

O sábado 19 estreamos a “Habanera de Baio”.

A partir dun texto do noso presidente Antonio Díaz Amor, no que se fala da emigración e da saudade que sofren unha parella de noivos marcados pola distancia, o compositor borneirán Perfecto Varela Vázquez musicou unha habanera que consta de dúas partes, “a primeira en tono menor e a segunda en tono maior. A primeira trata de desenrolar a melancolía que ofrece a historia, onde se alternan mulleres e homes en contrapunto imitativo. Ao desembocar no tono maior, refléxase o contento que dá a ilusión do reencontro dos noivos, expoñendo a copla con solemnidade en modo maior como culminación da felicidade. O final resolve nunha codeta en cadencia plagal como deixando sentada a mensaxe”.

A estrea será ás 21:00 horas na Igrexa nova de Baio e a nosa coral, dirixida coma sempre por Tatiana Pankrátova, compartirá cartel coa Coral do Liceo de Noia e a Coral do Rosal (Pontevedra) no VIII Encontro de corais.

Programa VIII Encontro de corais

2010-06-16T17:58:00.001+02:00

VIII Encontro coral en Baio

2010-06-07T13:06:00.002+02:00

O vindeiro sábado 19 de xuño celebraremos na Igrexa nova de Baio o VIII Encontro de Corais na que participarán a Coral do Liceo de Noia, a Coral do Rosal (Pontevedra) e a anfitriona Coral Xan Mella. O concerto está patrocinado pola FECOGA e a Xunta de Galicia e tamén colaboran o Concello de Zas e a Deputación de A Coruña. O encontro polifónico será ás 21:00 horas e a Coral Xan Mella estreará a "Habanera de Baio" con música de Perfecto Varela Vázquez e letra de Antonio Díaz Amor

Despois do concerto a Xan Mella collerá unhas merecidas vacacións; pero antes celebraremos a Festa da Cachela de San Xoán a noite do 23 de xuño con sardiñas e boroa de balde e o venres 25 de xuño será a Festa de Clausura da Escola de música da AMC Pepe Valiña.

Estades todos convidados.

Misa e mesa

2010-06-02T19:18:00.004+02:00

Como xa é tradicional, dende o ano 2004, a Coral Xan Mella cantará a misa de Corpus na Igrexa de Baio pequeno o vindeiro sábado 5 de xuño ás 13:oo horas.

Xa pola noite, no Restaurante Casa Cruz de Baio, coralistas, familiares e acompañantes compartirán mantel na tamén tradicional Cea de Corpus no que, por suposto, non faltarán as cantigas de sobremesa.

Próximas actuacións:

sábados 12 e 19 de xuño: misas de voda en Baio e Cesullas

Sábado 19 de xuño: VIII Encontro de Corais en Baio

coa Coral do Liceo de Noia e a Coral do Rosal (Pontevedra).

Mestura e letras galegas

2010-05-20T09:20:00.004+02:00

O pasado fin de semana foi moi movidiño: o sábado fixemos as mesturas do novo CD "De entrañas da terra" nos Estudos Mans-Paideia coa axuda do técnico Javier Ferreiro. Estamos moi contentos dos resultados.

O domingo foi o día de ordenar toda a información (fotos, textos, portada, créditos, etc) que irán na cáratula do disco. Estamos intentando cuidar ata o mínimo detalle. A ver como queda.

O luns pola mañá mesa redonda co noso presidente e representantes de outras asociacións de Baio en O Couto (Ponteceso) e ao mediodía concerto da Xan Mella nesa vila pondaliana en homenaxe ás Letras Galegas e para reinvindicar que xa é hora de que a Labarta Pose lle adiquen un 17 de maio. Seguiremos traballando.

En terras pondalianas

2010-05-12T13:28:00.004+02:00

O luns 17 de maio a Coral Xan Mella actuará en O Couto (Ponteceso) dentro da xornada que a Asociación Cultural Monte Branco adica ás "Letras de Baio". O concerto será ás 12:30 horas no Salón de actos da Fundación Eduardo Pondal.
Antes diso o noso presidente, Antonio Díaz Amor, participará nunha mesa redonda onde se falará da cultura baiesa e na que tamén estarán Xose María Lema, Ricardo Vigueret, Chema Rey, Jorge Mira e outros baieses.

Vindeiras actuacións:

5 de xuño: misa de Corpus en Baio pequeno
12 de xuño: misa de voda en Baio pequeno pola tarde
19 de xuño: misa de voda pola mañá en Cesullas e

VIII Encontro de Corais ás 21:00 na Igrexa nova de Baio

onde nos acompañarán a Coral do Rosal (Pontevedra)

e a Coral do Liceo de Noia.

A gravación da Xan Mella

2010-05-10T19:40:00.005+02:00

Foi un día agotador pero pagou a pena. Case sete horas metidos no fantástico estudo que a Fundacións Mans-Paideia ten no polígono do Pocomaco en A Coruña para gravar un total de 13 temas (cantigas galegas, habaneras e folclore internacional) que sairán en formato CD o vindeiro verán baixo o título "De entrañas da terra".

Ao noso lado estiveron dous fantásticos técnicos de son: Javier Ferreiro e Roberto Morlán, que nos aconsellaron en todo momento.

Ao remate ceamos no Restaurante Gasthof de A Marina convidados por uns baieses de pro: os irmáns Sousa.

Moitas grazas aos Estudos Mans e ao grupo de Empresas Gasthof.

Máis fotos no face-book de Coté Xan Mella.

Gravación novo CD da Xan Mella

2010-05-07T10:33:00.003+02:00

O vindeiro domingo 9 de maio a Coral Xan Mella viaxará á Coruña a gravar o que será o seu segundo CD. A gravación realizaráse nos Estudos da Fundación Mans-Paideia e está patrocinada pola Deputación da Coruña e a Fundación Paideia.

En dúas sesións (mañá e tarde) a Coral que dirixe Tatiana Pankrátova traballará con habaneras, cancións galegas e folclore internacional. Neste novo disco tamén aparecerán dous temas compostos expresamente para a coral baiesa polo músico borneirán Perfecto Varela: "De entrañas da terra" e a "Habanera de Baio" con letra do profesor Antonio Díaz Amor.

Disfrutado o éxito das actuacións en Madrid o pasado fin de semana coralistas e directora están moi ilusionados con este novo reto despois de que xa non queden exemplares da súa primeira gravación do ano 2006.

Da viaxe a Madrid

2010-05-04T11:50:00.008+02:00

De éxito total podemos calificar a nosa viaxe e actuacións en Madrid. Pagou a pena viaxar toda a noite para despois cantar a misa na catedral da Almudena para homenaxear ao lembrado Uxío. Cunha acústica impresionante e acompañados ao órgano por Iria Ameixeiras a coral que dirixe Tatiana Pankrátova soou coma nunca e o Ave María no Morro do final fixo emocionarse a moitos dos que estábamos presentes. Ao remate ofrenda floral ao lembrado Amigo e interpretación do himno galego.

Finalizada a cerimonia directora e coralistas foron moi felicitados. "No contábamos que una coral de aldea pudiera sonar tan bien"

Xa pola tarde, con moito calor, o salón de actos do Centro Galego quedouse pequeno para acoller o concerto que facía a centena das actuacións da nosa coral. Aínda que a acústica non era a máis axeitada (non era como a da mañá) a coral foi moi aplaudida presentando un programa moi variado que fixo emocionarse aos presentes entre os que se atopaban unha nutrida representación baiesa residente na capital. Ao remate cantamos todos o Himno galego e o público, posto en pe, pediu insistentemente que seguísemos cantando.... pero o protocolo di que despois do himno... acabouse a función

Despois pantagruélica cea no Restaurante Riazor no que non faltaron as cantigas acompañados por ÓscarMoya á guitarra e Perfecto Varela ao saxofón.
O domingo pola mañá tour turístico por Madrid e paseo polo parque do Retiro. Chegamos derrangados a Baio. A vida de artista... é moi dura.

E non paramos: esta semana ensaiando duramente porque o domingo gravamos o noso segundo CD.

Da viaxe dá máis conta o xornal La Voz de Galicia.

Actuacións en Madrid

2010-04-27T08:53:00.004+02:00

Este fin de semana a Coral Xan Mella viaxa a Madrid: o sábado 1 de maio ás 12:00 horas cantaremos unha misa na Catedral da Almudena pola memoria do insigne baiés Uxío Romero Pose que foi bispo auxiliar de Madrid e cando se cumplen exactamente 13 anos anos da súa consagración nesa mesma catedral das mans de Rouco Varela. Xa pola tarde, ás 20:00 horas a coral baiesa ofrecerá un concerto no Centro galego de Madrid, na Calle Carretas.

Dase a circunstancia que esta actuación no Centro Galego será a número CEN da coral que dirixe Tatiana Pankrátova e para elo temos preparado un programa especial en dúas partes: na primeira ofreceremos diversos temas do folclore internacional e na segunda soaran exclusivamente cantigas galegas (para ver programa pincha aquí)

Para esta actuación os homes da coral estrearán unha fermosas gravatas de liño feitas a man, agasallo de dona Carme Riveiro e dos Amigos do liño de Baio.

Xunto á nosa coral viaxará un segundo autobús de acompañantes nunha viaxe paralela organizada polas Amas de Casa e a Asociación de veciños de Baio; coralistas e acompañantes aproveitaremos o fin de semana para visitar os lugares máis emblemáticos da capital do Estado.

Éxito en Salceda

2010-03-28T10:16:00.005+02:00

Onte sábado participamos no Festival de presentación do primeiro CD do Coro polifónico de Entenza en Salceda de Caselas compartindo cartel coa coral anfitriona e máis a Banda de música de Salceda de Caselas e o Grupo de gaitas Os Zoqueiros.

A Coral Xan Mella foi moi aplaudida e felicitada (entre os asistentes se atopaba o mestre-compositor Rey Rivero e Antonio Rey, o presidente da FECOGA, que se interesaron polo traballo da nosa coral que dirixe Tatiana Pankrátova) pola interpretación dun programa variado no que destacou María la portuguesa e o remate-propina de Katiusha coa colaboración dun Auditorio Municipal ata a bandeira batendo palmas ao compás da cantiga rusa.

Parabéns e o noso agradecmento para os amigos de Entenza polo seu primeiro traballo discográfico e pola súa calidade humana que se amosou no ben que nos trataron dende o primeiro momento ata o último (despedímonos dos exquisitos pinchos post-concerto cun sentido "Adios con el corazón" esperando velos e escoitalos pronto en Baio).

Concerto en Salceda de Caselas

2010-03-19T12:43:00.002+01:00

O vindeiro sábado 27 de marzo a Coral polifónica Xan Mella, dirixida por Tatiana Pankrátova, participará no Festival de presentación do primeiro disco do Coro de Entenza en Salceda de Caselas (Pontevedra), será no Auditorio Municipal ás 20:30 horas.

E seguimos ensaiando duramente para os nosos Concertos en Madrid o 1º de maio e a gravación do noso segundo CD.

O VIII Encontro de corais en Baio

celebrarase o sábado 19 de xuño

e nos acompañarán

a Coral do Rosal (Pontevedra) e a Coral do Liceo de Noia

De aquí ao verán

2010-03-01T18:23:00.011+01:00

Principiamos o ano con novos folgos e moitas ganas de cantar, que é o noso. Será o ano no que realizaremos a nosa segunda gravación en CD grazas á axuda da Deputación de A Coruña e dos Estudos Mans-Paideia.

Aquí vos deixamos a lista de actuacións programadas, polo de agora, ata o verán.

27 de marzo, Concerto en Salceda de Caselas (Pontevedra)

1 de maio, Madrid, Misa na Catedral da Almudena

pola memoria de Monseñor Uxío Romero Pose

9 de maio, A Coruña, Gravación novo CD

5 de xuño, Baio, Misa de Corpus

12 de xuño, Baio, Misa de Voda

19 de xuño, Baio, VIII Encontro de Corais

Información tamén en La Voz de Galicia

Asemblea AMC Pepe Valiña

2010-01-30T12:11:00.006+01:00

O venres 29 de xaneiro a AMC Pepe Valiña-Coral Xan Mella celebrou asemblea anual ordinaria. Repasouse o feito no ano 2009 no que destacan as 18 actuacións da Coral Xan Mella (das que 13 foron fora de Baio: salientando as saídas a Xixón e a Paços de Ferreira en Portugal; sendo seleccionados por cuarta vez consecutiva para o Certame en Clave Coral, o que amosa que nos mantemos no bo camiño sempre baixo a batuta da profesora Tatiana Pankrátova), a organización da Cachela de San Xoán, as Rondas de Nadal e a importancia de seguir formando á xuventude no estudo do piano e da linguaxe musical dende a Escola de música Pepe Valiña.

O presidente presentou o proxecto para o ano 2010 informando que será o ano no que a coral Xan Mella gravará o seu segundo CD financiado pola Deputación de A Coruña e os Estudos Mans-Paideia.

Ao remate reunímonos nunha cea de confraternidade convidados por Casa Ovidio na que aos postres non faltaron as cantigas acompañados polos nosos amigos do Tren da unha de Laxe e Óscar o alicantino.

Vídeos Coral Xan Mella

2010-01-14T12:28:00.004+01:00

Xa rematamos as merecidas vacacións de Nadal. Agora a ensaiar e preparar novo repertorio para este ano que se presenta moi movidiño.

Mentres tanto podedes escoitarnos e vernos en internet:

II Festival de la avellana en Infiesto (pincha aquí)

Terra Meiga (pincha aquí)

Lela (pincha aquí)

María la portuguesa (pincha aquí)

Katiusha (pincha aquí)

Lela por rumbas (pincha aquí)

Lela por rumbas

2010-01-05T11:47:00.005+01:00

Ronda de Nadal en Casa Rogelio

Perfecto Varela ao saxo, Miguel Reymúndez á batería e Manolo Droghas ao contrabaixo

Ronda de Nadal na Cervecería Río Grande

Os de Xan Mella e os nosos amigos do Tren da unha de Laxe saímos outra vez este ano de Ronda de Nadal polos bares de Baio. O primeiro día tivemos o acompañamento de Josito Díaz ao acordeón e o segundo foi o saxofonista borneirán Perfecto Varela o que se sumou á Ronda.

Foron fermosos momentos para celebrar estas festas de Nadal.

No vídeo que acompaña esta entrada unha parte da interpretación de "Lela" en Casa Rogelio de Baio. (Tamén en Youtube)

¿Mestixase cultural ou "carallada de Nadal"?.

Feliz Noite de Reis a todos.

¿En Baio como en Viena?

2009-12-31T13:31:00.005+01:00

En Viena reciben o ano novo batendo palmas ao ritmo da Marcha Radetzky e nós aquí en Baio o despedimos tamén batendo palmas aos compases de Katiusha especialmente reharmonizada pola nosa directora Tatiana Pankrátova. Esperamos que disfrutedes tanto do video como o fixemos nós en directo. A empezar o ano con música. Tamén en youtube

Ronda de Nadal

2009-12-29T19:23:00.005+01:00

Con grande éxito celebramos o pasado sábado 26 de decembro a Ronda de Nadal polos bares e tabernas de Baio. O Tren da unha show de Laxe xunto a Os de Xan Mella recorremos A Raxería, Bar Ciudad Cristal, Bar Casa Rogelio e Bar o Horreo cantando e tocando non só panxoliñas.

Guitarra, percusións e o acordeón de Josito Díaz, ademáis das boas voces, encheron de ledicia as rúas de Baio nestes días de Nadal. Ata o profesor Xose María Lema se sumou á iniciativa que organiza a nosa AMC Pepe Valiña.

A Ronda repetirase o vindeiro sábado 2 de xaneiro para recibir o novo ano: daquela a comparsa actuará na Taberna de Paulino, Bar O Cruce, Cervecería Río Grande, Bar Galaxia e Bar O Muíño. Esta vez haberá un convidado especial: o magnífico músico borneirán Perfecto Varela participará co seu saxofón.

Estades todos convidados.

Boa despedida de ano e mellor entrada no 2010.

Do VI Memorial Pepe Valiña

2009-12-21T14:18:00.004+01:00

Todo foi moi ben no VI Memorial Pepe Valiña que celebramos en Baio o pasado sábado 19 de decembro. O día principiou coa recepción isntitucional que lles ofreceu ao Orfeao de Paços de Ferreira Manuel Muíño o alcalde do noso Concello (delo da boa conta o xornal La Voz de Galicia).

Á noitiña (coa Igrexa nova de Baio abarrotada de xente a pesares do moito frío) abríu o concerto o Orfeón Neria da Costa da Morte, dirixido polo mestre Isidro Caamaño, do que gustou moito a súa interpretación do espiritual negro No tardes Tom e do Va Pensiero de Verdi. O ambiente foise caldeando coa actuación do Orfeao de Paços de Ferreira, dirixido por Dona Isabel Freitas; moi aplaudidas foron as interpretacións de Tia Anica e Adeste Fideles.

Como broche final a nosa Coral polifónica Xan Mella, dirixida pola profesora Tatiana Pankrátova, ofreceu unha das mellores actuacións de todos os tempos gustando moito os estreos de María la portuguesa e da Salve Rociera. A "apoteose" veu ao remate cunha nova harmonización do tema ruso Katiusha con toda a igrexa de pe batendo palmas ao ritmo da coral baiesa.

O concerto foi presentado por Ramón Reymúndez que lle adicou unhas agarimosas palabras ao noso párroco Don Francisco Espasandín, que non poido asistir por problemas de saúde.

Ao final agasallos para os coros participantes, tamén para Dona Carme Riveiro, presidente dos Amigos de Liño de Baio (as mulleres da Coral Xan Mella estreaban unhas fermosas flores de liño tecidas a man pola asociación baiesa) e palabras de agradecemento do Alcalde de Zas pola boa organización do Memorial, un referente xa na polifonía de Nadal da nosa Costa da Morte.

Coa cea de coralistas e invitados (na que destacou o profesor Xose María Lema cantando Grandola Vila Morena a coro cos orfeonistas portugueses) rematou este VI Memorial Pepe Valiña.

Moitas grazas ao Orfeón Neria e Moitas grazas ao Orfeao de Paços de Ferreira.

E a todos vos... BO NADAL!

VI Memorial Pepe Valiña

2009-12-16T20:38:00.003+01:00

O vindeiro sábado 19 de decembro ás 21:00 horas celebraremos na Igrexa nova de Baio o Concerto de Nadal VI Memorial Pepe Valiña.

O programa é o seguinte:

Orfeón Neria

Director: Isidro Caamaño

Hermosa.........................................Rey Rivero

A vella chalana.............................J.L.Torrado

No tardes Tom........................Espiritual negro

A Rianxeira...............................................Viro

Va pensiero........................................G. Verdi

Orfeao de Paços de Ferreira

Directora:Isabel Freitas

Linda noite..............................David Sequeira

Tía Anica...... ………………….Pop. Algarve

Adeste Fideles............................... Trad. Natal

Amén…………………... Arr. Norman Luboff

Everybody sing freedom.........Espiritual negro

Coral Xan Mella

Directora: Tatiana Pankrátova

Lela............. Castelao/Domínguez/Pankrátova

Ave María no Morro.......................H.Martins

Harmonización: Piñeiro/Pankrátova

María la portuguesa....................Carlos Cano

Salve Rociera....................... Popular andaluza

Katiusha...............................................Blanter

Arranxos: Tatiana Pankrátova

Do concerto en Teo

2009-12-13T23:51:00.003+01:00

Por fin... Rematamos a nosa xira outonal onte no Concello de Teo e (aínda que nos queda o VI Memorial Pepe Valiña o vindeiro fin de semana en Baio), despois de actuar en Campañó (Pontevedra), Paços de Ferreira (Portugal), Vilaboa, Corcubión e Carballo estamos moi satisfeitos de como soou a coral e das moitas felicitacións recibidas.

O concerto de onte na Igrexa de Santa Eulalia de Oza pode ser un resumo do que fixemos dende o verán ata aquí: habaneras, cantigas galegas e folclore internacional conformaron un programa variado no que a coral soou potente, afinada e moi empastada.

Onte no Cantateo compartimos cartel co Grupo de Canto Aleceia dos Tilos (Santiago) que nos gostaron moitísimo e cos que conpartimos un post-concerto moi divertido con bos manxares, bo viño e boas cantigas.

Agora: o concerto do sábado en Baio ás 21:00 horas na Igrexa nova e despois... vacacións.

Concerto en Teo

2009-12-08T16:59:00.003+01:00

O domingo 13 de decembro a Coral polifónica Xan Mella actúa para o Concello de Teo dentro dos Circuitos culturais da Deputación de A Coruña. Será na Igrexa de Santa Eulalia de Oza en Agoso ás 17:00 horas.

Presentaremos un programa de sete cancións: galegas, habaneras e folclore internacional.

Contamos con vos.

Do concerto en Carballo

2009-12-02T00:04:00.005+01:00

Foto cedida xentilmente por La Voz de Galicia, autora: Ana García

O do sábado en Carballo foi... fantástico. Tres boas corais ( perdón: catro, porque as voces brancas da coral anfitriona o fixeron moi ben), deixando o pavillón moi alto cada unha co seu estilo. Delo dá boa conta La Voz de Galicia. A pesares da auga, do vento, do granizo, dos "raios e centellas" o Pazo da Cultura estaba cheo e poidemos disfrutar dun recital polifónico como poucas veces se escoita nesta Costa da Vida.

E do post-concerto?.... Im-presionante

Moitas grazas aos nosos amigos anfitrións da Coral polifónica de Bergantiños e tamén áos nosos amigos da Coral Padronesa.

Este fin de semana que ven, por fin,... descansamos. Colleremos folgos e iremos cantar o domingo 13 a Teo, cerquiña de Compostela, e despois estamos xa cos preparativos do ¨Concerto de Nadal VI Memorial Pepe Valiña", o 19 de decembro en Baio no que haberá moitas sorpresas.

¡Contamos con vos!

Concerto en Carballo

2009-11-24T12:32:00.004+01:00

O vindeiro sábado 28 de novembro a Coral polifónica Xan Mella participará no tradicional Concerto de Santa Cecilia que organiza a Coral polifónica de Bergantiños. Será no Pazo da Cultura de Carballo ás 21:00 horas e tamén cantará a Polifónica padronesa.

Próximos concertos:

Domingo 13 de decembro en Teo
Sábado19 de decembro en Baio (VI Memorial Pepe Valiña)

Corais na Costa da Morte

2009-11-22T20:05:00.005+01:00

De "día histórico" calificou Xan García (secretario de Neria e presentador do acto) o Encontro de corais da Costa da Morte que se celebrou este fin de semana en Corcubión. Claro que si. Era a primeira vez que nos xuntábamos seis das moitas corais que hai neste Fin do Mundo e foi unha xuntanza de confraternidade que ogallá se volva a repetir con periodicidade. Virá o momento de reflexionar sobre a organización, calidade, repertorio, número de corais... Pero agora quédanos o bo recordo dunha tardiña de sábado na que todo foi camaradería e boas intencións, na que a nosa Coral Xan Mella deixou o pabillón ben alto cantando "Jardín de ensueño", "Lela" e "María la portuguesa".

A Asociación Neria agasallounos cunha peza de cerámica preciosa do artista Nacho Porto e ao final todos xuntos cantamos, é un dicir, "O Voso galo comadre". O dito: Que se repita.

Éxito en Vilaboa e actuación en Corcubión

2009-11-16T18:46:00.008+01:00

O sábado pasado fomos moi aplaudidos e felicitados no Festival de música galega no que participamos en Vilaboa. Compartimos cartel coa Coral de mulleres de Vilaboa e a Coral de Soutomaior, dirixidas por dous bos amigos: Antonio Piñeiro e Javier Comesanha.

E o sábado que ven, día 21 de novembro, participaremos no I Encontro de Corais da Costa da Morte que se celebrará no Auditorio de Corcubión, será ás 20:00 horas. Alí estaremos seis corais desta terra que nos da a vida:

Coral Xan Mella de Baio

Coral de Mulleres de Camariñas

Coral de Cesullas

Coral Virxe da Barca de Muxía

Coral polifónica Neria

Coral brisas do mar de Corme

O Concerto está organizado pola asociación supracomarcal NERIA

Actuación en Vilaboa (Culleredo)

2009-11-12T12:37:00.004+01:00

Seguimos coa xira outonal. A Coral Xan Mella actuará este sábado 14 de novembro en Vilaboa (Culleredo) invitada pola Coral de mulleres de Vilaboa. O concerto será ás 20:00 horas na igrexa e tamén cantará a Coral de Soutomaior.

Actuación en Paços de Ferreira

2009-11-09T10:39:00.010+01:00

Este pasado fin de semana realizamos a nosa primeira saída internacional. A Coral Xan Mella participou no XXV aniversario do Orfeao de Paços de Ferreira en terras portuguesas. Saímos cediño de Baio e fixemos unha parada (para repostar forzas e mercar... toallas) en Valença do Minho. Un grupiño fixémonos unha foto nunha das portas de entrada á Fortaleza.

Con nós viaxou o Alcalde do noso Concello (Manuel Muíño) e á chegada a Paços recibíronnos institucionalmente na Cámara municipal (Pazo do Concello) de Paços de Ferreira. Na foto vemos ao noso alcalde xunto ao alcalde anfitrión (Pedro Oliveira Pinto) e a Antonio Díaz Amor (presidente da AMC Pepe Valiña-Coral Xan Mella). Houbo pequenos discursos e intercambio de agasallos. Despois tivemos comida coas outras corais e visita turística á Citania de San Fins.

Pola noite foi o concerto para celebrar o XVV aniversario do Orfeao de Paços de Ferreira. Compartimos cartel cos anfitrións e mais o Coro Airiños da Capela e o Coro Xoven Sons a Capela da comarca de Ferrolterra (A Coruña). Foi todo un éxito cun auditorio da Biblioteca Municipal profesor Vieira Dinis ata a bandeira que non cansou de aplaudir sobre todo coa interpretación de Lela (que emocionou moito aos presentes, coma sempre) e co estreo de "María la portuguesa"(xa en youtube, PINCHA AQUÍ) de Carlos Cano un tema co que quixemos agasallar aos nosos amigos portugueses.

O domingo, pola mañá participamos nos cánticos da misa coa nosa "Ave María no Morro". Despois de xantar regresamos á nosa terriña con moi bo sabor de boca sabendo que na viciña lusitania temos uns bos amigos que estarán con nós o vindeiro sábado 19 de decembro no Concerto de Nadal VI Memorial Pepe Valiña.

Viaxe a Portugal

2009-11-05T19:23:00.004+01:00

A Coral Xan Mella, dirixida por Tatiana Pankrátova, viaxará a Portugal o vindeiro sábado pola mañán para participar no XXV aniversario do Orfeao de Paços de Ferreira no que será o noso primeiro concerto fora das fronteiras españolas. Xunto a nós viaxará unha nutrida representación institucional e social encabezada polo Alcalde de Zas (Manuel Muíño). Tamén nos acompañarán o presidente da Asociación de Veciños Tabeirón (Manuel Nuñez) e a presidenta da Asociación de Amas de casa de Baio (Merche Reymúndez).

O Concerto será o sábado 7 ás 21:30 horas no Auditorio da Biblioteca Municipal Profesor Vieira Dinís de Paços de Ferreira e presentaremos un programa moi variado pechando a nosa actuación coa estrea de "María la portuguesa" de Carlos Cano en versión coral.

O domingo pola mañá cantaremos tamén unha misa na mesma vila. Pero antes... faremos un pouco de turismo, comeremos bacallau e frango, beberemos viño verde, tentaremos ver ao sancristán de Coimbra... xa vos contaremos.

Xan Mella en Campañó

2009-11-01T16:50:00.003+01:00

Onte actuamos en Campañó (Pontevedra) no IV Certame En Clave Coral, que organiza a Fecoga e a Xunta de Galicia, xunto ás corais Baiona la Real e os anfitrións Airiños de Campañó. Moito nivel, e a nosa coral deixou o pabillón ben alto destacando na potencia e nos matices harmónicos. Fomos moi aplaudidos e felicitados e, como está acontecendo ultimamente, gustou moito o tema "Lela". Do que vos deixamos neste video a interpretación que fixemos en Baio no concerto deste último verán. (tamén se pode ver en you tube)

Moi ben o concerto e moi ben tamén o post-concerto cunha queimada feita nunha cabaza que estaba exquisita.

Moitas grazas aos nosos amigos da Coral de Campañó, fantásticos anfitrións que pronto os escoitaremos por estas terras da Costa da Morte (con cabaza e queimada incluída).

Concerto en Campañó

2009-10-28T11:44:00.007+01:00

A Coral polifónica Xan Mella actuará o sábado 31 de outubro en Campañó (Pontevedra) no IV Certame en clave coral. A coral baiesa compartirá cartel coa Coral polifónica Baiona La Real de Baiona e os anfitrións Airiños de Campañó. Esta é a cuarta vez que a coral que dirixe Tatiana Pankrátova é seleccionada pola Fecoga e a Xunta de Galicia para participar no Certame En clave coral. O Concerto será ás 20:00 horas no Centro cultural de Campañó.

A foto que ilustra esta entrada é das flores de liño tecidas a man que as mulleres da nosa coral estrearán no Concerto de Nadal. Son un agasallo de Carme Riveiro, presidenta da Asociación Amigos do Liño de Baio-Zas, que xa nos tiña agasallado cos chales de liño que veñen lucindo as féminas da Coral Xan Mella.

Dende estas liñas agradecerlle a Carme Riveiro e aos Amigos do Liño todo o ben que se portan coa nosa asociación.

Videos Coral Xan Mella

2009-10-20T10:06:00.007+02:00

Os nosos amigos da Coral polifónica Ars nova de Infiesto-Piloña (Asturias) teñen colgada na súa web unha escolma da nosa participación no II Certamen nacional Coral de la Avellana que se celebrou o ano pasado e no que a Coral Xan Mella gañou o primeiro premio.

Se queres vernos e escoitarnos pincha aquí.

Outro vídeo da actuación en Xixón.

De aquí a Nadal

2009-10-12T19:28:00.003+02:00

A Coral Xan Mella afronta este trimestre final de 2009 coa axenda repleta de actuacións:

O sábado 31 de outubro viaxaremos á vila pontevedresa de Campañó para participar no IV Certame en Clave coral que organiza a FECOGA e a Xunta de Galicia.

Os 7 e 8 de novembro realizaremos a nosa primeira saída fora das fronteiras españolas. Será na viciña Portugal, en Paços de Ferreira, na que participaremos no XXV Aniversario do Orfeao de Paços de Ferreira.

Á semana seguinte, 14 de novembro, dentro dos Circuitos culturais da Deputación de A Coruña, cantaremos en Vilaboa (Culleredo) convidados polo Coro de Mulleres da localidade coruñesa.

O 21 de novembro cantaremos na veciña vila de Corcubión no I Encontro de corais da Costa da Morte.

Remataremos novembro en Carballo: o sábado 28 participaremos no Festival de Santa Cecilia que organiza a Coral polifónica de Bergantiños.

Xa en decembro o domingo 13 as nosa cantigas viaxarán ao Concello de Teo e o sábado 19 de decembro celebraremos en Baio o VI Memorial Pepe Valiña.

Seguiremos informando.

Aniversarios

2009-09-28T13:19:00.007+02:00

Esta semana é de efemérides:

Xa pasou un ano do II Festival nacional coral de la Avellana en Infiesto (Asturias) no que a nosa Coral Xan Mella acadou o primeiro premio e a avellana de ouro. Era a primeira vez, e polo de agora a última, que nos presentábamos a un concurso e o resultado non poido ser mellor.Todos lembramos con ledicia aquel fin de semana e tamén lembramos con agarimo a todos os compoñentes da Coral Ars Nova de Infiesto organizadora do concurso que este ano cumpliu a III Edición.

Tamén se cumplen estes días o quinto cabodano do pasamento do noso presidente fundador: Pepe Valiña. E a coral o vai lembrar como mellor o sabe facer: cantando.

O vindeiro domingo 4 de outubro a Coral Xan Mella cantará

a misa do mediodía na Igrexa nova de Baio

na memoria do noso sempre presidente Pepe Valiña.

A foto de Pepe Valiña que acompaña esta entrada é de Casal,

o noso amigo fotoperiodista de La Voz de Galicia.

Escola de música 09-10

2009-09-24T20:39:00.005+02:00

A Escola de música da

Asociación músico-cultural Pepe Valiña

convoca unha reunión coa profesora Tatiana Pankrátova

para todos os interesados en asistir ás clases no curso 09-10.

A reunión será o martes 29 de setembro ás 21:30 horas

no Auditorio do Pavillón de Baio

Tfno de contacto: 650 418 666

Este vindeiro curso haberá clases de:

iniciación á música
linguaxe musical
piano
piano para adultos

Da viaxe ao Rosal

2009-08-31T10:16:00.006+02:00

En Pontevedra

Unha tapiña de polbo antes da comida

No Monte de Santa Tecla

En Combarro

Este pasado fin de semana a Coral Xan Mella viaxou á vila pontevedresa de O Rosal para participar no XX Festival de Músicos Xóvenes. Tamén aproveitamos a xornada dominical para facer un pouco de turismo visitando Combarro, Pontevedra e o Monte de Santa Tecla.

En O Rosal compartimos cartel coa Coral Ventos do val de Petelos (Mos) e os anfitrións da Coral da agrupación musical do Rosal. A Praza do Calvario estaba a rebosar e ante un público entendido como poucos (a Escola de música desta vila é das máis importantes da provincia e conta cunha banda de música famosa en toda España) fomos moi aplaudidos e felicitados a pesares de cantar ao aire libre e cunha acústica que non é a máis axeitada para a polifonía.

Rematamos a noite cos pinchos post-concerto (por suposto que non faltou o albariño) e despois... volta á nosa Porta Grande da Costa da Morte pois ao día seguinte había que traballar.

Dende estas liñas o noso agradecemento á Coral do Rosal, unha coral amiga que esperamos escoitar moi pronto na nosa vila.

Para ver fotos do concerto pincha aquí

Concerto en O Rosal

2009-08-24T11:01:00.003+02:00

O vindeiro domingo 30 de agosto a Coral Polifónica Xan Mella de Baio (Zas) participará nun Festival de Corais na vila pontevedresa de O Rosal. O encontro polifónico será na Praza do Calvario ás 21:00 horas e a coral que dirixe Tatiana Pankrátova compartirá cartel coa Coral Ventos do Val de Petelos (Mos) e os anfitrións da Coral da Agrupación musical do Rosal.

Como non todo vai ser cantar aproveitaremos a xornada dominical para facer un pouco de turismo visitando as vilas de Combarro, Pontevedra, Redondela e o Monte de Santa Tecla.

Bogart, Xan Mella e a loto de Nadal

2009-08-12T12:35:00.002+02:00

Novas circunstancias esixen novos xeitos de actuar. A nova circunstancia é a crise (que xa non é tan nova... xa nos estamos afacendo a ela) e o novo xeito de actuar é poñer como reclamo da nosa lotería de Nadal ao Humphrey Bogart a ver se así vos animades a colaborar. E ogallá que vos toque!!!

Vai ser un Nadal de cine e o comezo dunha boa amizade.

O nº que xogamos este ano é o 35.630

Xan Mella vs Sprinsgteen?

2009-08-03T11:33:00.003+02:00

Coincidimos en día e hora co concerto do "Boss" en Santiago de Compostela...

Na Igrexa de Zas non pasou coma no Monte do Gozo... ainda quedaron algúns sitios libres.

Pero estamos moi contentos da resposta do público e da nosa interpretación musical que clausuraba a II Semana cultural do Concello de Zas.

Dende esta bitácora grazas ao Concello de Zas e tamén a Don Severo por deixarnos cantar nunha igrexa cunha acústica moi boa.

Libro Perfecto Varela

2009-07-31T10:58:00.004+02:00

Onte venres 30 de xullo a nosa AMC Pepe Valiña organizou o acto de presentación do libro "Las cruces del emigrante", escrito polo músico borneirán Perfecto Varela. No acto, ademáis do autor, falaron Antonio Díaz Amor, presidente da Asociación organizadora e Cándido Fuentes, amigo de Perfecto e labartiano de pro.

A presentación foi un éxito cun Auditorio do Pavillón de Baio case completo que aplaudiu con ganas as intervencións; ao final o autor "cansouse" de adicarlles libros aos seus amigos e coñecidos.

A CORAL XAN MELLA

OFRECERÁ O DOMINGO 2 DE AGOSTO

UN CONCERTO COMO PECHE DA

II SEMANA CULTURAL DO CONCELLO DE ZAS.

SERÁ NO IGREXA PARROQUIAL de ZAS

ÁS 22:00 horas

IV Certame en clave coral

2009-07-23T19:54:00.006+02:00

Chegamos de vacacións e atopámonos coa agradable noticia de que a nosa Coral Xan Mella foi seleccionada (por cuarto ano consecutivo) para o IV Certame En Clave coral que organiza a FECOGA e Xunta de Galicia. O concerto será nos meses de outubro/novembro en día e data aínda sen decidir.

O luns 27 retomamos os ensaios pois hai moito que traballar.

Aquí os vai un resumo das actuacións ata fin de ano. Non paramos.

2, agosto	Zas	II Semana cultural do Concello de Zas
15,agosto	Baio	Misa de voda
30, agosto	O Rosal (Pontevedra)	Festival de corais
14, novembro	Vilaboa (A Coruña)	Festival de corais
28, novembro	Carballo	Festival de Santa Cecilia
13 decembro	Teo	Festival de corais
19,decembro	Baio	*VI Memorial Pepe Valiña*

Fin de curso 2009

2009-06-27T15:28:00.004+02:00

Chegou o verán e con el as merecidas vacacións. Aquí os deixamos un reportaxe fotográfico dos últimos actos que temos organizado nesta semana: a Noite da Cachela de San Xoán e o Festival de Fin de curso da Escola de Música Pepe Valiña:

nais e alumnos coa profesora Tatiana Pankrátova, o Cuarteto de corda de Baio, e Miguel, Gelucho, Edelmiro, Luís Pérez e Emilio Busto nos preparativos da cachela.

Bo verán para todos os desexa a

AMC Pepe Valiña-Coral Xan Mella

Do concerto en Baio

2009-06-22T00:12:00.003+02:00

Despois do concerto... máis festa

O alcalde de Zas agasallando ao presidente da coral Ars Nova de Infiesto (Asturias)

Con grande éxito de público (a igrexa nova estaba ao completo) celebramos o sábado pasado en Baio o VII Encontro de Corais.

Abriu o concerto a Coral a Gaiteira de A Coruña, dirixida por Antonio Piñeiro, que, a pesares de ser somente dazaoito coralistas, soaron moi afinados e gustaron sobre todo no pupurri de boleros e na "Canción de Solveig" con Mª Cruz Iglesias de soprano solista cunha gran voz que recibiu moitísimos aplausos do público.

En segundo lugar a Coral piloñesa Ars nova de Infiesto (Asturias) amosou porque é unha das corais asturianas máis laureadas. Dirixida por Miriam Martínez presentou un programa moi variado e foron moi aplaudidos os temas "El hombre del piano" e "María la portuguesa".

Como peche actuou a coral anfitriona Xan Mella dirixida por Tatiana Pankrátova. A coral segue a medrar en cantidade e calidade soando moi afinada e potente destacando nos matices harmónicos. Moi aplaudido foi o tema "Lela" (a primeira vez que se cantaba en Baio) e as dúas habaneras.

E despois cea pantagruélica cos callos cociñados por Isabel do Muíño no que non faltaron os cantares de sobremesa. E despois... máis festa por Baio.

Foi unha bonita noite musical e de amizade e dende aquí moitas gracias aos nosos amigos de A Coruña e de Infiesto.

VII Encontro de corais en Baio

2009-06-14T11:57:00.007+02:00

O Encontro de corais en Baio marca o inicio dunha tempada estival na que a polifonía está moi presente na nosa Costa da Morte.

Como xa é tradición, no sábado anterior ao fin de semán da Carballeira de Baio, a nosa vila labartiana acolle o Festival de polifonía que este ano conta coas corais A Gaiteira de A Coruña, a Polifónica piloñesa Ars Nova de Infiesto (Asturias) e a anfitriona Coral polifónica Xan Mella

VII Encontro de corais

Igrexa nova de Baio

sábado 20 de xuño

21:00 hs

Coral A Gaiteira (A Coruña)

Coral Ars nova de Infiesto (Asturias)

Coral Xan Mella (Baio)

Facendo click sobre o programa de man tedes máis información.

Da misa á mesa

2009-06-14T11:44:00.002+02:00

Pola mañá cantamos a misa de Corpus na Igrexa de Baio pequeno e todo foron felicitacións para a Coral e para a nosa directora.

E á noite xuntámonos coralistas, familiares e amigos na xa tradicional cea de confraternidade. Disfrutamos do bacallau e do solomillo ibérico no Restaurante A Lareira de Baio e despois todo foi cantar e cantar... O dito: "Da misa á mesa"

Misa de Corpus en Baio

2009-06-11T09:52:00.004+02:00

Como ven sendo tradición, xa desde o ano 2004,

o sábado 13 de xuño a Coral polifónica Xan Mella

cantará a Misa de Corpus na Igrexa de Baio pequeno.

O oficio será ás 13:00 horas e a coral que dirixe Tatiana Pankrátova

rematará a función co Ave Verum corpus de Mozart.

Próximos actos da AMC Pepe Valiña

sábado 20 de xuño: VII Encontro de corais. Coral A gaiteira (A Coruña),Coral Ars nova de Infiesto (Asturias) e Coral Xan Mella Igrexa nova (Baio) 21:00 horas

martes 23 de xuño: Cachela de San Xoán (Baio) sardiñas e borona de balde
venres 26 de xuño: Festival de clausura da Escola de Música Pepe Valiña(auditorio do Pavillón de Baio), 21:00 horas

De A Coruña a Lamas (Zas)

2009-06-08T08:21:00.005+02:00

O concerto do pasado sábado en A Coruña foi outro éxito para a Coral que dirixe Tatiana Pankrátova nun Auditorio do Forum Metropolitano ateigado dun público esixente (houbo algúns que non poido entrar ao esgotarse as invitacións) que nos adicou longos e fortes aplausos e que poideron disfrutar dun variado programa no que compartimos cartel coa Polifónica Moañesa e a Coral "Endesa" de As Pontes co motivo do XV Encontro de corais organizado pola Sociedade A Gaiteira.

E xa o domingo, de volta á casa, cantamos a Misa da Milagrosa de Lamas (Zas). Ao remate do oficio relixioso, e a petición do noso párroco Don Francisco Espasandín, a Coral Xan Mella entoou o "Ave María no Morro" baixo un profundo silencio e respecto que fixo emocionarse a máis dunha persoa.

Despois... aínda que chovía, como podedes ver na foto, algúns quedamos a tomar o vermú e participar nos bailes da misa.

Non todo vai ser cantar... ou si?

O vindeiro sábado 13 de xuño a Coral Xan Mella cantará a Misa de Corpus na Igrexa de Baio pequeno ás 13:00 horas.

Actuación en A Coruña

2009-05-31T23:35:00.006+02:00

A Coral Xan Mella actuará o vindeiro sábado 6 de xuño en A Coruña no Auditorio do Forum Metropolitano ás 20:30 horas. Será un festival no que compartiremos cartel coas corais Polifónica Moañesa (Pontevedra) e a Coral de As Pontes de García Rodríguez. Presentaremos un programa de habaneras, cancións galegas, música rusa e o famoso "Eres tú".

E ao día seguinte, domingo 7 de xuño, a nosa coral, que dirixe Tatiana Pankrátova, cantará a Misa da Milagrosa en Lamas (Zas) ás 13:00 horas onde estreará unha misa en galego.

Vindeiras actuacións:

sábado 13 de xuño: Misa de Corpus en Baio
sábado 20 de xuño: VII Encontro de corais coa Coral Ars Nova de Infiesto (Asturias) e Coral A Gaiteira de A Coruña. Baio, Igrexa nova ás 21:00 horas

Do concerto en Muxía

2009-05-27T15:34:00.003+02:00

O domingo pasado cantamos en Muxía no "Salon do Voluntariado" e todo foron parabéns. Presentamos un programa de cancións galegas e habaneras e, a petición do público, tivemos que agasallar ao repestable cunha propina que neste caso foi a habanera "Torrevieja".

O concerto foi organizado pola asociación Neria e dende esté blog queremos agradecerlle todo o bo trato ao secretario da asociación, Xan García, que se portou moi ben coa Coral.

As vindeiras actuacións será en A Coruña, no Forum Metropolitano o sábado 6 de xuño. E o domingo 7 cantaremos a misa da Milagrosa en Lamas (Zas). Seguiremos informando.

A coral Xan Mella en Muxía

2009-05-20T10:00:00.003+02:00

A Coral polifónica Xan Mella ofrecerá unha actuación en Muxía o vindeiro domingo 24 de maio ás 20:00 horas no Salón do voluntariado do Edificio de Servizos Múltiples.

O acto, organizado pola Asociación Neria e o Concello de Muxía, está enmarcado dentro das Xornadas sobre o Bicentenario da invasión francesa e, previamente ás 19:00 horas Manuel Vilar ofrecerá unha conferencia co título "Os franceses na Costa da Morte".

A coral que dirixe Tatiana Pankrátova presentará un programa de cancións galegas e habaneras.

Video da actuación en Xixón

2009-05-15T17:19:00.004+02:00

En youtube http://www.youtube.com/watch?v=Dst1NUd6zpY está o video de Terra Meiga da actuación en Xixón da Coral polifónica Xan Mella do sábado 9 de maio.